Máskeýde Halyqtar dostyǵy ýnıversıtetiniń stýdentin baýyzdap ketti
ASTANA. Qyrkúıektiń 13-i. QazAqparat - Máskeýde belgisiz bireýler Halyqtar dostyǵy ýnıversıtetiniń stýdentin baýyzdap ketti. Jas jigittiń denesi senbi, qyrkúıektiń 11-i kúni tabyldy, dep habarlaıdy RBK agenttigi.
Stýdenttiń denesi Sevanskaıa kóshesindegi №3 úıdiń irgesindegi garajdar mańynan tabylǵan. Reseı Prokýratýrasy janyndaǵy Tergeý komıtetiniń Máskeý qalasy boıynsha Tergeý basqarmasynyń resmı ókili Sergeı Marchenkonyń aıtýynsha, jigit moınynan pyshaq jaraqatyn alǵan jáne sol jaraqattan kóz jumǵan.
RF Qylmystyq kodeksiniń 105-shi baby 1-shi tarmaǵy boıynsha (kisi óltirý) qylmystyq is qozǵaldy. Óltirilgen stýdenttiń qaı eldiń azamaty ekendigi týraly ázirge aqparat joq.
