Máskeýde gúl qoımasyndaǵy órtten qaza bolǵan 7-shi adamnyń máıiti tabyldy
MÁSKEÝ. TASS - QazAqparat – Reseı astanasy Máskeý ortalyǵynda gúl qoımasy órtenip, jeti adam mert boldy, dep habarlaıdy QazAqparat resılik TASS agenttigine silteme jasap.
«Úıindi arasynan jetinshi adamnyń máıiti tabyldy», - dedi agenttik derekkózi.
Buǵan deıin alty adamnyń qaza taýyp, bir adamnyń zardap shekkeni habarlanǵan bolatyn.
Jeksenbi kúndiz Komsomolskıı alańynda gúl qoımasynda órt shyqty. Onyń aýmaǵy 2,5 myń sharshy metr.
Ǵımarat qabattary arasynda 500 sharshy metr aýmaq opyrylyp túsken. Órt shyqqannan keıin 9 saǵat ótken soń sóndirildi. Tergeý komıteti órttiń taýardy durys saqtamaǵannan, órt qaýipsizdigi erejesi buzylǵannan shyqqanyn málim etti. Jedel qyzmet elektr jylytý aspabynyń isten shyǵýy jáne elektr jelisiniń apattyq jumys rejımi órttyń shyǵýyna yqpal etkenin habarlady.
Foto: © Sergeı Savostıanov/ TASS