Máskeýde grek-rım, erkin jáne áıelder kúresinen Álem chempıonaty ótedi

dep habarlaıdy QazAqparat QR Kúres federatsııasynyń ınternet saıtyna silteme jasap.

Birlesken kúres stılderiniń halyqaralyq federatsııasy (FILA) kezekti kongres men Álem chempıonatyn Máskeýde ótkizý týraly sheshimdi byltyr qyrkúıek aıynda Danııanyń Hernıng qalasyndaǵy basqosýda shyǵarǵan bolatyn. Búgin Reseı astanasyna álemniń túkpir-túkpirinen erteń ashylatyn kongreske qatysatyn delegatsııalar kelip jatyr. Al jeksenbi kúni grek-rım kúresi boıynsha 55, 66 jáne 96 kıláda baq synaıtyn balýandardyń ótinishteri qabyldanyp, medıtsınalyq tekserý men salmaq ólsheý rásimderi jasalady. Dúısenbide bul baıraqty básekede el namysyn qorǵaıtyn Ashat Qudaıbergenov, Darhan Baıahmetov pen Áset Mámbetov ózderiniń alǵashqy beldesýlerin ótkizedi. Kelesi kúni olardyń qataryna Almat Kebispaev (60kg), Alhazýr Ozdıev (84 kg) jáne Nurmahan Tinálıev (120 kg), al qyrkúıektiń 8-inde Roman Meleshın (74 kg) qosylady. Sársenbi kúni sondaı-aq, áıelder kúresi boıynsha baq synaıtyn balýandardyń da kúresi bastalady. Onda Eleonora Abýtalıpova (48 kg) men Tatıana Bakatıýk (51 kg), qyrkúıektiń 9-da Aıym Ábdildına (55 kg), Olga Kalınına (59 kg), Tatıana Zaharova (63 kg), 10-y kúni Elena Shalygına (67 kg) men Olga Jánibekova (72 kg) kilemge shyǵady. Juma kúni erkin kúres sheberleriniń de saıysy bastalady. Onda birinshi bolyp synǵa túsken Aslan Janahanovtyń (55 kg ) qataryna senbide Abylaı Teltaev (60 kg), Qanat Berdıev (84 kg) pen Dáýlet Shabanbaı (96 kg), al jeksenbide Aqjúrek Tańatarov (66 kg), Abdýlhakım Shapıev (74 kg) jáne Marıd Mýtalımov (120 kg) qosylady.