Máskeýde «Fonbet» býkmekerlik kompanııasynyń dırektory ustaldy
ASTANA.KAZINFORM - Sergeı Anohındi quqyq qorǵaý organdary para alý faktisi boıynsha qozǵalǵan qylmystyq is aıasynda ustady, dep habarlaıdy TASS.
Reseılik BAQ-tyń habarlaýynsha, ustalǵan Anohın biraz ýaqyttan beri qaýipsizdik kúshteriniń tergeýinde bolǵan. Qazirgi ýaqytta tergeý amaldary júrgizilip jatyr.
«112» Telegram arnasy Sergeı Anohınniń aldyn ala málimet boıynsha, qaýipsizdik kúshteriniń ókiline 50 mıllıon rýbl (250 mıllıon teńgeden astam) para bergenin habarlady. Para alýshy da ustaldy.
Ashyq aqparat kózderine súıensek, Sergeı Anohın Reseı fýtbol odaǵynyń (RF) burynǵy vıtse-prezıdenti jáne Máskeý fýtbol federatsııasynyń prezıdenti bolǵan. 2022 jyldyń sáýirine deıin Reseı fýtbol odaǵy RFÝ Atqarý komıtetiniń múshesi boldy. Ol Fonbet býkmekerlik kompanııasynyń bas dırektory qyzmetin atqarǵan. 2020 jyldyń qyrkúıeginen 2021 jyldyń qarashasyna deıin «Hımkı» fýtbol klýbyn basqardy.
Aıta keteıik, AQSh-taǵy býkmekerlik keńseler Tramptyń koeffıtsentin kóterdi.