Máskeýde er adam travmatıkalyq tapanshadan avtobýsta oq atty
ASTANA. 5 tamyz. QazAqparat - Máskeýde belgisiz er adam travmatıkalyq tapanshadan avtobýsta oq atty, dep habarlaıdy RBK astanalyq quqyq qorǵaý organdaryndaǵy derekkózine silteme jasap.
Oqıǵa 3 tamyz kúni Máskeý ýaqyty boıynsha saǵat 15:30 shamasynda bolǵan. Oqıǵa ornyna kelip jetken polıtsııa qyzmetkerleri oq atýshynyń mas bolǵandyǵyn anyqtady. Er adam travmatıkalyq tapanshadan jurgizýshi oryndyǵyna qaraı segiz ret oq atqan. Abyroı bolǵanda oq avtobýstyń áınekterin ǵana syndyryp, adamdarǵa tımegen. Ol oqıǵa ornynan boı tasalaǵysy kelgen, alaıda ony GIBDD qyzmetkerleri uzatpaı quryqtady.
Ustalǵan adam 45 jastaǵy jumyssyz júrgen Máskeý turǵyny bolyp shyqty. Odan sol boıda 9 mm. kalıbrli IJ-79 travmatıkalyq tapanshasy tartyp alyndy. Azamat qarýdy ótken jyly zańdy túrde satyp alǵandyǵy anyqtaldy.
