Máskeýde er adam men áıeldi poıyz qaǵyp ketti
ASTANA. QazAqparat - Máskeýdiń soltústik-shyǵysynda eki adamdy poıyz qaǵyp ketti. Bul týraly «Lenta.rýǵa» jeksenbi, 5 aqpan kúni RF Tergeý komıteti Máskeý aımaqaralyq kólik tergeý komıtetiniń resmı ókili Tatıana Morozova habarlaǵan.
Oqıǵa jergilikti ýaqytpen 21.30-da Máskeý temir jolynyń Kýrsk baǵytyndaǵy Kalanchevskaıa stansasy mańynda bolǵan.
«Vladıkavkaz - Sankt-Peterbýrg baǵytyndaǵy jedel poıyz er adam men áıeldi qaǵyp ketti. Aldyn ala boljam boıynsha, er adam platformaǵa shyqqysy kelgen, al áıel ruqsat etilmegen jerden joldy kesip ótpek bolǵan», - dedi Morozova.
Onyń aıtýynsha, zardap shegýshiler oqıǵa ornynda kóz jumǵan. Olardyń aty-jónderi áli anyqtalmady. Oqıǵanyń mán-jaıyn nautylaý úshin tótenshe jaǵdaı ornyna jedel tergeý toby jiberildi. Eki adamnyń ólimi faktisi boıynsha tergeý komıtetiniń ókilderi tekserý jumystaryn bastady.
29 qańtar kúni Moskva-ıAroslavskaıadan Pýshkınoǵa bet alǵan poıyz Máskeý túbindegi Stroıtel stansasynda eki er adamdy qaǵyp óltirdi. Olar da platformaǵa shyqqysy kelgen.
