Máskeýde er adam bankte adamdardy tutqynǵa alyp, ǵımaratty jaryp jibermek boldy
MÁSKEÝ. TASS - QazAqparat - Máskeýde er adam «Alfa-bank» ǵımaratyndaǵy adamdardy tutqynǵa alyp, ǵımaratty jaryp jiberetinin aıtyp qorqytqan, dep habarlaıdy TASS.
Shuǵyl qyzmetterdegi aqparat kóziniń málimetinshe, qaskóıdiń qolynda kem degende bes adam bolǵan. Ol ústine qara kúrte men sport shalbaryn kıgen, betinde qara maskasy bar.
«Qolyna sary paket ustap alǵan. Onyń aıtýynsha, pakette jarylǵysh zat bar», - dep málim etti aqparat kózi.
Quqyq qorǵaý organdary onymen kelissóz júrgizgen. Oqıǵa ornynda barlyq shuǵyl qyzmetterdiń ókilderi jumys istep jatyr.
«Qazir ǵana arnaıy jasaq sarbazdary «Alfa bank» ǵımaratyna basyp kirip, er adamdy ustady. Onyń qolyndaǵy jarylǵysh zat emes, sonyń mýlıajy bolyp shyqty», - dep habarlady aqparat kózi.
Keıin bul aqparatty ІІM Máskeý qalalyq basqarmasy baspasóz qyzmetiniń basshysy Vladımır Vasenın rastady.
Ustalǵan adamnyń aqyl-esiniń durystyǵyna kúmán bar, sondyqtan ol saraptamaǵa jiberiledi. Oqıǵadan eshkim zardap shekken joq.
