Máskeýde eki poıyz soqtyǵysty
ASTANA. QazAqparat - Máskeýdiń batysynda elektr poıyzynyń mashınısi tótenshe tejegishti qoldanǵannan keıin qala mańy poıyzyna jolaýshylar poıyzy kelip soqtyǵysty. Bul týraly reseılik TASS agenttigi qalalyq TJM baspasóz qyzmetine silteme jasaı otyryp habarlady.
«Apat Gerasım Kýrın kóshesi mańynda boldy. Soqtyǵysý saldarynan elektr poıyzynyń bir vagony relsten shyǵyp ketti», - dep málim etti agenttikke aqpar berýshi.
Oqys oqıǵadan tórt adam zardap shekti.
Oqıǵa kýágerleriniń aıtýynsha, qala mańyna qatynaıtyn poıyz tejegishi isten shyqqandyqtan bolar artqa sheginip ketken. «Poıyzdyń tejegishi isten shyqty. Ol keri qaraı júrip ketti. Jolaýshylarǵa myqty ustanyp otyrýdy nemese vagonnyń bas jaǵyna qaraı barý qajettiligin eskertý úshin júgirip vagondardy aralap shyqtym», - deıdi kýáger Dmıtrıı. Onyń aıtýynsha, elektr poıyzynyń jyldamdyǵy údep, artta kele jatqan poıyzǵa soǵylǵan.
