Máskeýde dúleı daýyl qurbandarynyń sany 4 adamǵa jetti
ASTANA. QazAqparat - Juma kúni Máskeý óńirinde soqqan dúleı daýyl qurbandarynyń sany 4 adamǵa artty. Voskresenskıı aýdanynda ózen jaǵalaýynan 47 jastaǵy er adamnyń múrdesi tabyldy, dep habarlaıdy QazAqparat Laıf. Rý saıtyna silteme jasap.
Belgili bolǵandaı, ol kúndiz ózenge balyq aýlaýǵa shyqqan.
Oqıǵa ornyna jetken dárigerler Vladımır jaı túsip, qaza tapqanyn anyqtady.
Eske salsaq, kúndiz daýyl kezinde Dmıtrov aýdany men Sofıno aýylynda er adamdar ajal qushqan bolatyn.
Máskeýde mundaı jaýyn 1923 jyldan beri bolmaǵan. Birneshe saǵattyń ishinde birqatar aýdanda 34 mm-ge deıin jaýyn-shashyn tústi, bir aılyq norma - 75 mm. Saldarynan Sheremetevo áýejaıynyń ushyp-qoný alańyn sý basty, júzdegen reıs keıinge shegerildi. Quıyndy daýyl aǵashtardy qulatty, adamdar zardap shekti. Birneshe ınternet-saıt tabıǵattyń tosyn minezin tikeleı efırden kórsetip otyrdy.
