Máskeýde Búkilálemdik medıa sammıti bastaldy
MÁSKEÝ. 5 shilde. QazAqparat - Máskeý qalasynda álemniń jetekshi BAQ-tarynyń basshylary qatysatyn Búkilálemdik medıa sammıti óz jumysyn bastady.
«Álemdik medıa: HHІ ǵasyrdyń qyr kórsetýleri» uranymen ótip jatqan ekikúndik forýmnyń uıymdastyrýshysy reseılik ITAR-TASS aqparattyq agenttigi. Shara halyqaralyq saýda ortalyǵy alańynda ótýde.
Sammıt 102 elden kelgen 213 buqaralyq aqparat quraldarynyń 300 top-menedjerin jınady. Forýmǵa sondaı-aq Qazaqstannyń birqatar mass-medıa jetekshileri qatysýda.
Sammıt qatysýshylaryna quttyqtaý sózderin RF Prezıdenti men Úkimet basshysy Vladımır Pýtın pen Dmıtrıı Medvedev jáne BUU-nyń Bas hatshysy Pan Gı Mýn joldady.
Ekikúndik sammıt barysynda búkil álemdegi buqaralyq aqparat quraldarynyń jıi tap bolatyn kókeıkesti problemalardy talqylaý josparlanýda. Olardyń arasynda elektrondyq BAQ-ty damytý, áleýmettik jelilerdiń máni, BAQ pen bıznestiń ózara qarym-qatynastary jáne jýrnalıstik etıkanyń problemalary bar.
Sondaı-aq medıanyń álemde bolyp jatqan saıası ózgeristerdegi róli, BAQ-tyń ekonomıkalyq daǵdarys jaǵdaıynda aman qalýynyń modeli, dástúrli BAQ-tyń tranformatsııalanýynyń negizgi betalystary qarastyrylady.
Sammıtte sondaı-aq orys tilindegi baspasózdiń sheteldegi tarıhy týraly baıandaıtyn «Biz saqtap qalǵan Reseı» atty kórme ótkiziledi.
