Máskeýde bolǵan órt kezinde qaza tapqan 17 adam qyrǵyz azamattary bolyp shyqty
ASTANA. QazAqparat - Máskeýdegi qoımada bolǵan órtke shaǵyn shamshyraq sebep bolǵan, dep málimdedi RF TJM ókilderi.
«Qazirgi sátte oqıǵaǵa ne sebep bolǵany 100 paıyz anyqtaldy. Іsten shyqqan shamshyraq tez janatyn zattar bar jerde bolǵan. Sodan taraǵan ot lıft shahtasy arqyly qaıtys bolǵan adamdar bolǵan jerge jetken», dep málimdedi RF TJM ókili Ilıa Denısov.
TJM basshysynyń orynbasary Leonıd Belıaev marqumdar qoımada ómir súrmegenin, tek ottan qashyp, shetki bólme jaqqa baryp, jansaqtamaq bolǵanyn aıtty.
ІІM Jedel shtabynyń málimetinshe, barlyq qaıtys bolǵan tulǵalar - Qyrǵyzstan azamattary bolǵan. Olar Reseıde zańdy negizde jumys istep jatqan.
