Máskeýde bir táýlikte koronavırýstan 68 adam qaıtys boldy
MÁSKEÝ. TASS-QazAqparat – Máskeýde koronavırýs pen qosymsha aýrýlary bar 68 naýqas qaıtys boldy, dep habarlady juma kúni koronavırýs ınfektsııasyn baqylaý jáne monıtorıng jónindegi jedel shtabta.
Reseı astanasynda jańa koronavırýs ınfektsııasy rastalǵan 1 358 adam kóz jumǵan, de habarlaıdy QazAqparat TASS agenttigine silteme jasap.
«Máskeýde pnevmonııa dıagnozy rastalǵan jáne koronavırýs ınfektsııasyna testi oń nátıje kórsetken 68 patsıent qaıtys boldy», - delingen habarlamada.
Shtab JRVI-dyń kez-kelgen belgileri baıqalǵan jaǵdaıda úıde bolý kerektigin, ózdiginen emdelmeı dárigerdi shaqyrý qajet ekenin aıtty.
14 mamyrda Máskeýde koronavırýs juqtyrǵandardyń sany 130 716 adamǵa jetti.
Koronavırýs pandemııasy bastalǵaly beri álemde 4,3 mln adam aýrý juqtyrǵan, 290 myńnan astamy kóz jumǵan. Reseıde koronavırýspen kúres jónindegi federaldy jedel shtabtyń málimetinshe, COVID-2019 vırýsyn juqtyrǵan 252 245 jaǵdaı tirkelgen, 2305 adam qaıtys bolǵan.
