Máskeýde bir táýlikte koronavırýstan 53 adam kóz jumdy
MÁSKEÝ. QazAqparat – Reseı astanasy Máskeý qalasynda bir táýlikte koronavırýs ınfektsııasyn juqtyrǵan taǵy 53 adam kóz jumdy. Osylaısha indetten kóz jumǵan adamdar sany 3 334-ke jetken. Bul týraly QazAqparat TASS agenttigine silteme jasap habarlaıdy.
«Máskeýde pnevmonııa dıagnozy qoıylyp, koronavırýs ınfektsııasyna alynǵan test qorytyndylary oń bolyp shyqqan 53 patsıent kóz jumdy», - delingen habarlamada.
Reseı astanasynda koronavırýsten jalpy 3 334 adam kóz jumǵan.
Pandemııa bastalǵaly, álemde koronavırýs indetine 7,7 mln astam adam shaldyǵyp, 430 myńǵa jýyq naýqas qaıtys boldy. Reseıde indet juqtyrýdyń 528 964 oqıǵasy tirkelip, 280 050 adam jazylyp, 6 948 adam qaıtys boldy.
