Máskeýde bir otbasynyń 4 adamyn óltirip ketti
ASTANA. QazAqparat - Máskeýdiń ońtústiginde belgisiz adamdar bir otbasynyń tórt múshesin birdeı óltirip ketti, dep habarlady lenta.ru.
Erli-zaıyptylardyń, olardyń uly men kelininiń zombylyqpen óltirilgen deneleri 5 jeltoqsan kúni Nagatın kóshesindegi páterinen tabylǵan.
Sarapshylar olardyń kóptegen pyshaqtalǵan jaraqattardan kóz jumǵanyn anyqtady.
Quqyq qorǵaý organdaryndaǵy derekkózdiń aıtýynsha, qaskóıler qylmys izin jasyrýǵa tyrysqan. Olar gaz kolonkalaryn ashyp ketip, jarylys jáne órt bolady dep, úmittengen. Tergeý nusqasy boıynsha, otbasy baqýatty turmys shekken, tanystarynyń tarapynan tonaý maqsatynda qylmys jasalýy múmkin.
Qylmys ornynda tergeýshiler men krımınalıster jumys jasaýda, birqatar saraptamalar taǵaıyndalmaq. RF Qylmystyq kodeksiniń 2 bólimi 105-shi babymen qylmystyq is qozǵaldy.
