Máskeýde Baýyrjan Momyshulynyń 100 jyldyǵyna arnalǵan «Ańyzǵa aınalǵan batyr» kitabynyń tusaýkeseri boldy
ÁSKEÝ. Aqpannyń 5-i. QazAqparat /Narymbek Ysmaǵulov/ - Máskeýde Qazaqstan Respýblıkasynyń Reseı Federatsııasyndaǵy Tótenshe jáne Ókiletti elshiliginiń rezıdentsııasynda Keńes Odaǵynyń Batyry, dańqty qolbasshy jáne jazýshy Baýyrjan Momyshuly týraly «Ańyzǵa aınalǵan batyr» kitabynyń tusaýkeseri boldy.
Іs-sharaǵa QR Parlamentiniń depýtattary, qazaqstandyq dıplomatııalyq ókildiktiń qyzmetkerleri, eki el ardagerleri uıymdarynyń ókilderi, Reseı Federatsııasyndaǵy qazaqstandyq qoǵamdyq birlestikterdiń basshylary, sondaı-aq Máskeý joǵary oqý oryndarynyń oqytýshylary men stýdentteri qatysty.
Qazaqstan Respýblıkasynyń Reseı Federatsııasyndaǵy Tótenshe jáne Ókiletti Elshisi Zaýytbek Turysbekov tusaýkeserdi ashý kezinde sóılegen sózinde eki aıtýly oqıǵanyń: Uly Jeńistiń 65 jyldyǵy jáne Baýyrjan Momyshulynyń 100 jyldyǵy tuspa-tus kelip otyrǵanyn atap ótti.
«Dańqty qazaq uly Baýyrjan Momyshulynyń jaýyngerlik jáne shyǵarmashylyq joly Qazaqstannan tys jerlerge de keńinen tanymal. Bul kitap - avtorlar ujymynyń kóp jylǵy qyrýar jumystarynyń jemisi. Olar - kórnekti jazýshylar, jýrnalıster, ǵalymdar, memleket jáne qoǵam qaıratkerleri, Uly Otan soǵysynyń ardagerleri», - dedi Z.Turysbekov.
Jınaqta Baýyrjan Momyshulynyń Máskeý muraǵattarynda saqtalǵan, buryn jarııalanbaǵan jazbalary, suhbattary, sýretteri, sondaı-aq maıdanger-dostary - Málik Ǵabdýllınniń, Dmıtrıı Snegınniń estelikteri oryn alǵan.
