Máskeýde Baýyrjan Momyshuly men Álııa Moldaǵulovanyń esimi berilgen mektepterde Otan úshin ómirin qıǵan jaýyngerlerge taǵzym etildi

MÁSKEÝ. 8 mamyr. QazAqparat - Uly Jeńistiń 68 jyldyǵy qarsańynda Keńes Odaǵynyń Batyrlary Baýyrjan Momyshuly men Álııa Moldaǵulova atyndaǵy qos máskeýlik mektepte Uly Jeńis jolynda ómirlerin qıǵan jaýyngerlerge taǵzym etildi.

Eki mektepte de batyrlardyń músinderine saltanatty túrde gúl shoqtary qoıyldy. Budan soń áskerı qyzmetshiler, kýrsanttar, qazaq dısporasynyń ókilderinen quralǵan qazaqstandyq delegatsııa soǵys jáne eńbek ardagerlerimen, mektep ustazdary jáne oqýshylarymen kezdesti.

Qazaqstannyń Reseıdegi elshisi Ǵalym Orazbaqov Zelenogradtaǵy B. Momyshuly atyndaǵy № 229 mektepte ótken eske alý sharasy barysynda reseılik bıliktiń ortaq tarıhty saqtaý jolynda atqaryp jatqan is-sharalaryna Qazaqstanda qurmetpen qaraıtynyn atap ótti.

Al № 891 mekteptiń dırektory m.a. Irına Glýshenkova keıingi tolqyndy tárbıeleýdegi ınternatsıonaldyq patrıottyq jumystyń mańyzdylyǵyna erekshe toqtaldy.