Máskeýde baspahanada bolǵan órtten qaza tapqan 17 adamnyń 4-eýi Reseı azamaty bolǵan
ASTANA. QazAqparat - Máskeýdegi Altýfev tas jolynda ornalasqan "Pechatnyı ekspress" baspahanasy ǵımaratynda órt shyǵyp, naqty aqparat boıynsha, 17 adam qaza tapty, dep habarlaıdy RIA Novostı Máskeý tótenshe qyzmetine silteme jasaı otyryp.
«Órtte qaza tapqan 17 adamnyń 14-i Qyrǵyzstan azamattary, qalǵan úsheýi reseılik», - dedi tótenshe qyzmet ókili.
Onyń aıtýynsha, zardap shekken taǵy úsh adam aýrýhanada jatyr.
Órt senbi kúni tańerteń Máskeýdegi Altýfev tas jolynda ornalasqan baspahana ǵımaratynan shyqqan. Tergeý komıteti shamdaǵy qysqa tuıyqtalýdan órt shyǵýy múmkin dep boljaýda. Órt qaýipsizdigi talaptaryn buzý týraly qylmystyq is qozǵaldy.
Foto: Evgenıı Odınokov
