Máskeýde bankti basyp alǵan adam polıtsııaǵa berildi

ASTANA. QazAqparat - Sársenbi keshke qaraı Máskeý ortalyǵyndaǵy «Sıtıbankti» basyp alǵan er adam óz erkimen polıtsııaǵa berildi. Bul týraly reseılik TASS agenttigine qalalyq polıtsııa basqarmasynyń kezekshi ofıtseri habarlaǵan.

«Qazirgi ýaqytta operatsııa aıaqtaldy. Bólimsheni basyp alǵan adam kelissózder barysynda polıtsııaǵa óz erkimen berilip, qamaýǵa alynǵan», - dedi ol.

Oqıǵany biletinderdiń aıtýynsha, ol telearnalar óziniń úndeýin kórsetýin talap etken. Budan keıin oǵan federaldyq telearnalardyń túsirilim toby jetkizilgen. Sodan soń ol keıdesindegi qorapta jarylǵyshtyń joqtyǵyn, tuz ekendigin aıtyp beriletindigin málimdegen.

Eske sala ketsek, keshke qaraı belgisiz er adam Máskeý ortalyǵyndaǵy «Sıtıbankti» basyp alǵan. Ol tórt adamdy kepilge alyp, bólimsheni jaryp jiberetindigin aıtyp, polıtsııamen kelissóz júrgizýdi talap etti, dep habarlaıdy reseılik RIA Novostı agenttigi.

Kásipker ǵalamtorda Reseı prezıdentine vıdeo úndeýin jarııa etti, onda ol óziniń zań buzýǵa ne májbúr etkenin aıtyp ótken.

Onyń keýdesinde jarylǵyshqa uqsaıtyn qorap bolǵan. Tergeý komıteti adamdardy kepilge alý boıynsha is qozǵady. Bank turǵan kóshe jabylyp, onda arnaıy jasaq jáne saperler tartyldy.

Kelissózderden keıin er adam eki kepilge alynǵan adamdy bosatty, keıin taǵy biri syrtqa shyqty.

Derekkózderdiń habarlaýynsha bankti Aram Petrosıan atty bankrot bolǵan kásipker basyp alǵan.