Máskeýde bankomatty jarǵan tonaýshy jarymjan bolyp qaldy
ASTANA. QazAqparat - Jeksenbige qaraǵan túni Máskeýdiń ońtústiginde bankomatty jarǵan urlyqshy jarylys tolqynynyń qatty soqqysynan eseńgirep, termınaldaǵy 1,5 mln. rýbldi urlaı almaı qaldy, dep habarlady ITAR-TASS-qa quqyq qorǵaý organdarynan.
Aqparat berýshiniń sózine qaraǵanda, qoldan jasalǵan jarylǵysh zattyń qýattylyǵy trotıl boıynsha 300 gramǵa jýaq bolǵan.
Qylmys Máskeýdiń Kashır shossesiniń boıyndaǵy bank bóliminde jasalǵan. Urlyqshy qoldan jasalǵan qurylǵymen bankomatty jaryp, saldarynan áınekter men esikter synyp, tólemge arnalǵan qasyndaǵy ekinshi bankomat qırady.
Ataǵan fakti boıynsha qylmystyq is qozǵaldy, jedel áreket etýshiler vıdeobaqylaý kameralarynan alynǵan jazbalardy baqylaýda.
