Máskeýde bankke qarýly shabýyl jasaldy
MÁSKEÝ. QazAqparat - Máskeýde Lenıngrad dańǵylynda ornalasqan Bınbank ofısine belgisiz bireýler qarýly shabýyl jasap, aqsha urlap ketken.
TASS agenttiginiń banktiń baspasóz qyzmetine silteme jasap habarlaýynsha, eshkim zardap shekpegen.
«Lenıngrad dańǵylynda ornalasqan Bınbank ofısine qarýly shabýyl jasaldy, saldarynan eki qylmysker kassadan aqsha urlap áketti. Bank bólimshesiniń qyzmetkerleri men mamandary arasynda zardap shekkender joq. Bınbank qaýipsizdik qyzmeti polıtsııamen birge oqıǵa ornynda jumys istep jatyr»,-deıdi bank ókili.
Ol qansha aqshanyń qolda bolǵanyn aıtqan joq. «Moskva» agenttiginiń atap ótýinshe, qylmyskerler tapanshamen qarýlanǵan.
