Máskeýde ajal qushqan eki qazaqstandyqtyń aty-jóni anyqtaldy
MÁSKEÝ. QazAqparat - Máskeýde qaza tapqan eki qazaqstandyqtyń aty-jóni anyqtaldy, dep habarlaıdy Reseıdegi QR elshiligi.
«Eki Qazaqstan azamatynyń avtomobılde tabylǵan máıiti týraly aqparat reseılik BAQ-tarda jarııalanǵannan keıin, QR-dyń RF-tegi Elshiliginiń konsýldyq qyzmeti mamandary Máskeý qalasyndaǵy Dmıtrovskıı aýdanynyń Іshki ister organyna barǵan. Quqyq qorǵaý organdarynyń aqparatyna sáıkes, tabylǵan máıitter Qazaqstan Respýblıkasynyń azamattaryna tıesili bolyp shyqty. Qaza tapqan eki azamat - Barkalov Alekseı Rýslanovıch pen Moskalev Vıktor Nıkolaevıch - Mańǵystaý oblysynyń týmasy», - delingen habarlamada.
Aldyn ala derek boıynsha, olar gazdan ýlanyp qaza tapqan. Ólimniń naqty sebebi sot-medıtsınalyq saraptamasynan keıin anyqtalady.
QR-dyń RF-tegi Elshiliginiń konsýldyq qyzmeti bul máseleni baqylaýyna alyp otyr. Kóz jumǵandardyń týystaryna qajetti konsýldyq-quqyqtyq kómek kórsetiledi
Habarlanǵandaı, «Gazel» avtomobılinde qaza tapqan eki qazaqstandyqtyń denesi Máskeýdiń Dmıtrovsk aýdanynda tabylǵan.
