Máskeýde aıazǵa baılanysty qaýiptiliktiń «sarǵylt» deńgeıi engizildi
ASTANA. QazAqparat - RF Gıdrometortalyǵynyń sınoptıkteri 8 qańtar kúni kútilip otyrǵan saryshunaq aıazdarǵa baılanysty Máskeýde aýa raıy qaýiptiliginiń «sarǵylt» deńgeıin jarııalady, dep habarlaıdy QazAqparat TASS agenttigine silteme jasap.
«Sarǵylt» deńgeı aýa raıy qaýipti degendi bildiredi. Tabıǵı apattar, zaqymdar bolýy múmkin», - dep atap ótýde sınoptıkter.
Qaýiptiliktiń osyndaı deńgeıi Kostroma oblysy úshin de engizildi. Ortalyq federaldy aımaqtyń qalǵan óńirlerinde onyń deńgeıi - «sary».
Boljamdarǵa sáıkes, aldaǵy túni Máskeýde -30-35 gradýs aıaz turady.
Buǵan deıin habarlanǵandaı, bıylǵy 7 qańtar (Rojdestvo merekesi kúni) Máskeýde sońǵy 120 jyl ishindegi eń aıazdysy boldy. Meteorologtardyń málimetinshe, RF astanasynda temperatýra mınýs 29,9 gradýsqa deıin, al oblysta - 33,4 gradýsqa deıin sýytty.
