Máskeýde avtoturaqtaǵy atysqa qatysty 9 adam ustaldy

MÁSKEÝ. TASS-QazAqparat – Jeksenbi kúni Máskeýde avtoturaqta bolǵan atystan keıin 9 adam ustaldy, dep habarlaıdy QazAqparat TASS agenttigine silteme jasap.

«Qazirgi ýaqytta jaralanǵan adammen birge, barlyǵy toǵyz kúdikti ustaldy. Árqaısysynyń atysqa qatysy bar-joǵy anyqtalýda», - dedi quqyq qorǵaý organyndaǵy derekkóz.

Oqıǵa 24 mamyr kúni keshke «ıAsnyı» turǵyn úı kesheni janyndaǵy avtoturaq aýmaǵynda boldy. Atys uıymdastyrǵandar birneshe kólikpen jasyrynyp úlgergen. Olardy izdestirý úshin «Qolǵa túsirý» jospary jarııalandy.

Ustalǵandardyń tórteýi – Orynbordan kelgen. Quqyq qorǵaý organdarynyń habarlaýynsha, janjalǵa segizden kóp adam qatysqan. Aldyn ala derekterge sáıkes, olar bir-birine travmatıkalyq tapanshadan jáne «Saıga», «Ver» ańshy myltyqtarynan oq atqan. Atalǵan fakti negizinde RF Qylmystyq kodeksiniń úsh baby («Adam óltirýge oqtalý», «Zańsyz qarý-jaraq aınalymy», «Buzaqylyq») boıynsha qylmystyq is qozǵaldy.