Máskeýde avtokólik 4 adamdy, sonyń ishinde 3 polıtseıdi qaǵyp ketti
ASTANA. 10 aqpan. QazAqparat - Máskeýdegi Kýtýzov dańǵylynda sheteldik avtokólik úsh jol polıtseıin qaǵyp ketti. Bul týraly ITAR-TASS habarlaıdy.
«Aldyn ala aqparat boıynsha búgin tańerteńgi saǵat 5.00 shamasynda Kýtýzov dańǵyly, 48 úı mańynda BMW avtomobıliniń júrgizýshisi rýlge ıe bola almaı, qyzmette bolǵan úsh jol polıtseıin qaǵyp ketti. Olar jol kólik oqıǵasy saldarynan túrli deńgeıdegi jaraqattarmen medıtsınalyq mekemelerge jetkizildi», - dep habarlady agenttikke máskeýlik ishki ister organdarynyń ókili.
Onyń aıtýynsha, oqıǵa oryn alǵan kezde qyzmetkerler basqa júrgizýshiniń qujattaryn tekserip jatqan. Bul júrgizýshi de zardap shekti.
«BMW avtokóliginiń júrgizýshisi medıtsınalyq saraptamaǵa jiberildi. Oqıǵanyń anyq-qanyǵy anyqtalýda. Tekseris aıaqtalǵan soń, onyń nátıjeleri boıynsha tıisti sheshim qabyldanady», - dedi ishki ister organdarynyń ókili.
