Máskeýde aýa raıynyń temperatýrasy 33 jyl burynǵy rekordtan asyp tústi
ASTANA. QazAqparat - Búgin Máskeýde aýa temperatýrasynyń rekordy ornatyldy. Reseı astanasyndaǵy bas meteostansanyń málimeti boıynsha búgin tústen keıin kún 14,4 gradýsqa deıin jylyǵan. Osy arqyly bul kórsetkish 1981 jylǵy rekordtan 0,6 gradýsqa joǵary bolyp otyr.
Sınoptıkter derekterine qaraǵanda, aldaǵy táýlikterde Máskeý aýmaǵynda kúnniń jylynýy jalǵasady. Sonymen qatar olar 24 naýryzda da jańa rekord ornatylýy múmkin degendi alǵa tartýda. Osyǵan deın 2004 jyldyń 24 naýryzynda termometr baǵany 12,7 gradýsqa jetip, joǵary kórsetkishke jetken edi.
Aıta keteıik, bıylǵy naýryzda aýa raıynyń rekordy 8, 9, 10, 22 jáne 23 kúnderi jańardy, dep jazady ITAR-TASS.
