Máskeýde «at-Takfır ýál-Hıdjra» ekstremıstik uıymynyń 14 múshesi ustaldy
ASTANA. 27 qarasha. QazAqparat - Jedel qyzmetkerler 27 qarasha kúni túnde Máskeýde "at-Takfır ýál-Hıdjra" ekstremıstik uıymynyń 14 múshesin ustady, dep habarlaıdy "Interfaks" agenttigi ІІM baspasóz qyzmetine silteme jasap.
Uıym múshelerin tintý barysynda detonatory bar qoldan jasalǵan úsh jarylǵysh zat, jarylǵysh qurylǵynyń bólshekteri, onyń ishinde detonatorlar, baýlar, jarǵysh zattar, tapanshalar, granatalar, oq-dáriler, ekstremıstik ádebıetter tabyldy jáne tárkilendi, dep aqparattandyrdy ІІM baspasóz qyzmeti.
Ustalǵan adamdarǵa qatysty ázirge qylmystyq is qozǵalǵan joq. Bul másele qaralý ústinde, dep naqtylady polıtsııa. Ekstremıstik uıym ókilderine qarý-jaraqty jáne jarylǵysh zattardy zańsyz saqtady degen aıyp taǵylýy múmkin.
