Máskeýde Astananyń sáýletine arnalǵan halyqaralyq konferentsııa ótti

MÁSKEÝ. QazAqparat - Máskeýde Qazaqstannyń bas qalasynyń 20 jyldyq mereıtoıyna arnalǵan birqatar sharalar ótip jatyr. Solardyń biri - Halyq sharýashylyǵy jetistikteri kórmesiniń alańynda ótken Astananyń sáýlet jáne qala qurylysy saıasatyna arnalǵan Halyqaralyq konferentsııa. 

Sharanyń maqsaty - sarapshylar men reseılik jáne halyqaralyq jurtshylyqqa jańartylǵan astanany, onyń jetistikterin, iskerlik jáne týrıstik áleýetin tanytý.

Konferentsııaǵa Reseı men Qazaqstannyń qala qurylysy salasyndaǵy mamandary shaqyryldy. Olar Astananyń qalyptasýynyń erekshe tarıhymen, elordanyń búgingi jaı-kúıimen, tanymal nysandarymen jáne 20 jyl aralyǵynda jetken jetistikterimen bólisti. Sondaı-aq, kelgen qonaqtar Qazaqstan astanasynyń keleshek damýy men ınvestıtsııalyq áleýetin talqylady.