Máskeýde «Anaǵa aparar jol» fılminiń tusaýkeser kórsetilimi ótti
Fılm sıýjetiniń jelisine ulynyń basyna túsken synaqtardan ótýine kómektesetin ana mahabbatynyń kúshi týraly oqıǵa ózek bolǵan. Basty keıipker Іlııas (Ádil Ahmetov) pen anasynyń (Altynaı Nógerbek) arasyndaǵy uly sezim olardyń basyna týǵan barlyq qıyn kúnderdi artqa tastap, qaıta qaýyshýyna sebepshi bolady.
Fılm 1930 jyldan bastap qazirge deıin aralyqty qamtıdy. Munda halyqtyń basynan ótken qıyn-qystaý kezeńder (ujymdastyrý, jut, soǵys jyldary) basty keıipkerlerdiń turmys-tirshiligi arqyly berilip otyrady. Kartınaǵa jalpy sany 2 myńnan astam adam qatysqan. Negizgi rólderdi Ádil Ahmetov, Altynaı Nógerbek, Arýjan Jazylbekova, Bolat Ábdilmanov, Berik Aıtjanov, Azamat Satybaldy, Erkebulan Daıyrov, Asylbek Boranbaı somdaıdy.
Kartınanyń bas prodıýseri - Alııa Nazarbaeva, rejısseri - tanymal qazaqstandyq kınematograf Aqan Sataev.
Tarıhı dramanyń túsirilim jumystary Qazaqstanda, Belarýste jáne Ázerbaıjanda júrgizildi.
