Máskeýde «Altyn kúz» qazaq ánderi festıvali ótti
MÁSKEÝ. QazAqparat - Qazaqtyń mýzykalyq óneriniń tamasha týyndylary Máskeýdegi V «Altyn kúz» qazaq ánderi jastar baıqaý festıvaline kelgenderdiń júregin baýrap aldy, dep habarlaıdy «QazAqparat» HAA.
Mereıtoılyq shara N.E. Baýman atyndaǵy MMTÝ-diń mádenıet saraıynda ótti. «Altyn kúz» festıvali 2013 jyldan beri jyl saıyn uıymdastyrylyp keledi. Bıyl onda Reseıdiń kóptegen qalalarynan, Qyrǵyzstannan, sondaı-aq Qazaqstannan barǵan jas ónerpazdar qazaq, orys jáne basqa tilderde án shyrqady.
«Qazaqtyń halyq áni «Balapan qaz» ben Marııa Mordasovanyń oryndaýyndaǵy orystyń «Garmon moıa, garmonochıkı» ánin fınalǵa saqtap qoıyp edim. Kóptegen qatysýshylar negizinen estrada ánderin tańdaıdy. Bıylǵy básekelester jaqsy daıyndyqpen kelgen», - deıdi Saratov memlekettik konservatorııasynyń stýdenti Laýra Óteshova.
Qazylar alqasynyń tańdaýymen Italııadan kelgen ánshi Son Pascal men qazaqstandyq ánshi Ardaq Balajanova arnaıy qonaq boldy.
Kórermen qaýymnyń tańdaýly ánshisine beriletin syılyq qazaqtardyń «Aq Jol» ulttyq-mádenı avtonomııasynyń ókili, samaralyq Maksım Basharkınge buıyrdy.
Sankt-Peterbýrgtegi «Dostar» jastar tobynyń múshesi, aqtóbelik Damır Búrkitov qazaq tilindegi án oryndaýshylardyń úzdigi atandy. Al úzdik ártistik óner úshin syılyq «QUMUQLAR» qumyq tilin saqtaý, qumyq mádenıetin damytý jáne qumyq jobalaryn úılestirý jónindegi Máskeý uıymynyń atynan shyqqan Kaderagaeva Zaıraǵa berildi.
Sondaı-aq basqa qatysýshylar da túrli atalymdar boıynsha júldeler jáne syılyqtarmen marapattaldy.
