Máskeýde Álıhan Bókeıhanovty eske aldy
MÁSKEÝ. QazAqparat - Máskeýde qazaqtyń qoǵam jáne memlekettik qaıratkeri, «Alash» qozǵalysynyń basshysy, Alashorda avtonomııasy úkimetiniń tóraǵasy, pýblıtsıst, ǵalym jáne aýdarmashy Álıhan Nurmuhameduly Bókeıhanovtyń 150 jyldyǵyna arnalǵan estelik shara ótti.
Bul sharany Reseı halyqtar dostyǵy ýnıversıteti basshylyǵy, tarıhshy ǵalymdar, QR-nyń Reseıdegi Elshiligi men Máskeý qalasyndaǵy otandastardyń qoǵamdyq uıymdardyń qoldaýymen (RHDÝ) jerles stýdentter belsendileri uıymdastyrdy.
Estelik sharalar Donskoe qorymynda 1934-1940 jj. stalındik saıası qýǵyn-súrgin qurbandary jerlengen baýyrlastar zıratyna gúl shoqtaryn qoıý rásiminen bastaldy.
Ataqty qazaqtyń jerlengen jeri birneshe jyl buryn, totalıtarlyq rejımniń taǵy 670 qurbanynyń esimi jazylǵan «Atylǵandardyń tizimderi: Donskoe qorymy. 1934-1940» kitaby jaryqqa shyqqan soń belgili boldy. Keıinnen máskeýlik «Rıtýal» kásipornynyń baspasóz qyzmeti bul aqparatty 1937 jyldyń 27 qyrkúıeginde atylǵan Álıhan Bókeıhanovtyń onymen birge bir «atý tiziminde» bolǵan qazaqtyń memlekettik qaıratkeri Nyǵmet Nurmaqovpen birge jerlengeni týraly málimettermen tolyqtyrdy.
Á.Bókeıhanov 1989 jyldyń 14 mamyrynda KSRO Joǵarǵy sotynyń qaýlysy boıynsha onyń áreketterinde qylmystyq quramnyń bolmaýyna baılanysty aqtaldy.
«Dóńgelek ústeldi asha otyryp, RHDÝ-dyń ǵylymı jumys boıynsha moderator-prorektory, fılosofııa ǵylymdarynyń doktory, professor Nur Qırabaev Qazaqstannyń táýelsiz memleketke aınalýyn armandaǵan Álıhan Bókeıhanovtyń tájirıbesi men murasyn árbir qazaqstandyq azamat bilýi jáne zertteýi tıis tulǵalar qataryna qoıdy.
Tarıh ǵylymdarynyń doktory, professor Dına Amanjolova Bókeıhanovtyń saıası murasyna toqtalyp ótti. «Ol Memlekettik dýmaǵa saılandy, birqatar jalpyreseılik uıymdardyń qatarynda bolyp, jalpyreseılik máselelerdi sheshýde mańyzdy ról atqarǵan, tek qana qazaqstandyq emes, jalpyreseılik kólemdegi saıasatker bolǵan», - dep atap ótti ol.
M.V.Lomonosov atyndaǵy MMÝ-dyń Azııa jáne Afrıka elderi ınstıtýty dırektorynyń orynbasary, professor Jibek Syzdyqova Á.Bókeıhanov óz kezeńinen alǵa júrgen adamnyń tamasha úlgisin kórsetetinin atap ótti. «Bizdiń maqsat - Bókeıhanovtyń murasyn ishte de, eýrazııalyq keńistiktiń syrtynda da nasıhattaý», - dep túıindedi sózin J.Syzdyqova.
