Máskeýde alaıaqtar jasandy altynnyń 42 quımasyn satýǵa árekettendi
ASTANA. QazAqparat - Ekonomıkalyq qaýipsizdik jáne sybaılas jemqorlyqqa qarsy is-qımyldardyń jedel qyzmeti jasandy altyn satýshylardy ustady. Alaıaqtardan jalǵan baǵaly metaldyń 42 quımasy alyndy.
RF ІІM-niń ókili Elena Alekseevanyń aıtýynsha, er adam quqyq qorǵaý organdaryna ózine altyn quımalaryn jaqsy baǵamen satyp alý usynysy jasalǵany týraly habarlaǵan. Qylmyskerler 42 altyn kesegin 1,5 mln. rýblge satyp alýdy usynǵan. Polıtsııa qyzmetkerleri zańsyz saýdagerlerdi qylmys ústinde ustaýdy uıǵardy.
«Jedel qyzmetkerlerdiń baqylaýymen ótken kezdesýge quımalar salynǵan sómkeni ustaǵan eki sheteldik azamat keldi. Qaskúnemder satyp alýshyǵa baǵaly metaldy tapsyryp, aqsha alyp jatqan kezinde ustaldy», - dep habarlady Alekseeva.
Sheteldik azamattardyń altyn dep aldap, kádimgi kádesyılardy satpaq bolǵany anyqtalǵan. Alynǵan kádesyılar saraptamaǵa jiberilip, sonyń barysynda taýardyń quramynda bir gramm da altyn joq ekeni, mys, myrysh, qalaıy qospasynan turatyny belgili boldy.
Qazirgi kezde kúdiktilerdiń ústinen qylmystyq is qozǵaldy.
