Máskeýde adam etin jegen ustaldy
ASTANA. 17 mamyr. QazAqparat - Quqyq qorǵaý organdarynyń qyzmetkerleri seısenbige qaraǵan túni, 17 mamyrda Máskeýdiń batysynda adam etin jegendi ustady.
ІІB shtabynyń qyzmetkeri Alekseı Savelevtiń aıtýynsha, tutqyndalǵan adamnyń úıinen adam denesiniń músheleri tabylǵan, dep jazady «Lenta.rý».
Adam denesiniń bólshektelgen músheleri mamyr aıynyń alǵashqy kúnderinen-aq Reseı astanasynyń kollektorlary men jertólelerinde tabyla bastaǵan. 12 mamyrda Máskeý ózeniniń Karamysh jaǵalaýynda plastık qapshyqqa oralǵan er adamnyń basy, Barklaı kóshesi aýmaǵynda adamnyń eki tabany men bilegi, sonymen qatar alaqandary jáne Tsarıtsyno toǵanynda taǵy bir alaqan tabylǵan. Tabylǵan dene múshelerine qaraǵanda, adam jegishtiń qurbandary birnesheý bolǵanǵa uqsaıdy.
RSN habarlaýynsha, tutqyndalǵan adam narkologııalyq jáne psıhonevrologııalyq dıspanserlerde esepte turǵan kórinedi. Tekseris barysy kórsetkendeı, kúdikti kishkentaı kúrekpen óz tanysyn múshelep tastaǵan. Beıresmı málimetter boıynsha, álgi adamnyń keıbir múshelerin taǵam retinde paıdalanǵan. Qalǵandaryn múshelep, qapqa salyp, kollektorlarda, jertólelerde jáne Máskeý ózenine tastap otyrǵan.
