Máskeýde 9 mamyrdaǵy parad áskerı tehnıkasyz ótedi
ASTANA. KAZINFORM – Reseı Qorǵanys mınıstrligi bul sheshim qalyptasqan jaǵdaıǵa baılanysty qabyldanǵanyn jetkizdi.
Paradta jaıaý júrginshiler kolonnasynyń quramynda RF Qarýly Kúshteriniń barlyq joǵary áskerı oqý oryndary jáne ásker túrleriniń áskerı qyzmetkerleri qatysady. Alaıda áskerı kýrsanttardyń qatysýy qarastyrylmaǵan.
- Qazirgi jaǵdaıǵa baılanysty Sývorov jáne Nahımov ýchılışeleri, kadet korpýstarynyń tárbıelenýshileri, sondaı-aq áskerı kólik kolonnasy bıyl áskerı sherýge qatyspaıdy, - delingen mınıstrlik habarlamasynda.
Vedomstvo sondaı-aq sherýdiń avıatsııalyq bóliginde Qyzyl alańnyń ústinen reseılik pılotajdy avıatoptarynyń ushaqtary ushatynyn, al sherýdiń sońynda Sý-25 shabýyldaýshy ushaqtarynyń ushqyshtary Máskeý aspanyn Reseı týynyń tústerimen boıaıtynyn málimdedi.
Osyǵan deıin Frantsııada Taıaý Shyǵystaǵy jaǵdaıǵa baılanysty Áskerı-teńiz kúshteriniń 400 jyldyǵyna arnalǵan parad ótpeıtinin jazdyq.
