Máskeýde 40 jylda bolmaǵan qar jaýdy

Máskeýde keıingi 40 jylda tirkelmegen qalyń qar jaýdy. Bul týraly Máskeý oblysynyń gýbernatory Andreı Vorobev málim etti, dep habarlaıdy Kazinform agenttigi.

— Túni boıy jol men kóshelerdi 3 myńǵa jýyq adam, 2 myńnan astam tehnıka tazalady. Jumysshylar bir sátke de damyldamady. Qoǵamdyq kólikterge erekshe nazar aýdaryldy. Mojaısk, Lenınsk, Lobne men Podolskide jol tazalaý qıyndady. Ol jaqqa qosymsha kúsh jiberip jatyrmyz, - dep habarlady ol Telegram-arnasynda.

Vorobev keı jerlerde qar aralas jańbyr jaýǵandyqtan kóktaıǵaq bolyp jatqanyn atap ótti.