Máskeýde 2026 jyly mıgranttar úshin patent qymbattaıdy
ASTANA. KAZINFORM — Máskeýde mıgranttar úshin patent 2026 jyly 8 900 rýblden 10 000 rýblge deıin kóteriledi, dep habarlaıdy Report.az.
Report agenttiginiń TASS-qa silteme jasap habarlaýynsha, tıisti sheshimdi Máskeý qalalyq dýmasynyń depýtattary kezekten tys jalpy otyrysta qabyldaǵan.
— 2025 jyly Máskeýdegi eńbek naryǵynyń aımaqtyq erekshelikterin kórsetetin koeffıtsıent 2,8592 qurady, al patent quny 8 900 rýbl bolyp belgilendi. Mıgrant jumysshylar úshin dástúrli túrde suranysqa ıe salalardaǵy ortasha jalaqynyń ósýin eskere otyryp, bul aımaqtyq koeffıtsıentti 2026 jyly 2,9323 etip belgileý, osylaısha patent qunyn aıyna 10 000 rýblge deıin arttyrý usynylady, - delingen Máskeýdiń keıbir salyq zańdaryna túzetýler engizý týraly bekitilgen zań jobasyna túsindirme jazbada.
Qujat Reseı astanasynyń salyq zańnamasyn jetildirýge jáne ony federaldyq zańnamaǵa sáıkestendirýge baǵyttalǵany atap ótildi.
Eske sala keteıik, Reseıde mıgranttarǵa zeınetaqy tóleýdi toqtatý usynyldy.