Máskeýde 15 myń sharshy metrdi jalmaǵan alapat órt aýyzdyqtaldy
ASTANA. QazAqparat - Órt sóndirýshiler Máskeýdiń soltústik-batysynda Týshınskıı mashına jasaý zaýytynyń aýmaǵynda bolǵan alapat jalyndy aýyzdyqtady.
Reseı BJM Máskeý boıynsha MM baspasóz qyzmetiniń aqparatyna sáıkes jalyn 15 myń sharshy metr alańdy sharpydy.
«Zaýyt aýmaǵyndaǵy turmystyq hımııa qoımasyndaǵy órt saǵat 01:36-da sóndirildi. Zardap shekkender joq», - dep habarlady vedomstvodan.
Bes qabatty ǵımarattaǵy jalyndy aýyzdyqtaý 5 saǵatqa sozyldy. Oqıǵa ornynda órt zerthana sarapshylary jumys isteýde, olar qyzyl jalynnyń shyǵý sebebin anyqtaıtyn bolady.
Máskeýde osy tárizdi jaǵdaı 2006 jylǵy 14 mamyrda oryn alǵan, onda farmatsevtıka qoımasy órtke oranǵan bolatyn, dep habarlady TASS. Ol kezde órt alańy 15 myń sharshy metrdi quraǵan.
