Máskeý jurtshylyǵyna qazaqstandyq dızaınerlerdiń toptamalary usynyldy

MÁSKEÝ. QazAqparat - Belgili qazaqstandyq dızaınerler «Rýhanı jańǵyrý» baǵdarlamasy aıasynda Máskeýdegi «Mercedes Benz Fashion Week Russia» joǵary sán aptalyǵynda ózderiniń kollektsııalaryn usyndy. Bul jaıly «QazAqparat» HAA-nyń menshikti tilshisi habarlaıdy.

Máskeýdiń «Manej» ortalyq kórme ortalyǵynda sán salasynda talǵamy joǵary jurtshylyq Aida KaumeNOVA, Alexey Chzhen, Naiyl Baikuchukov jáne Dinara Satzhan brendterimen shyǵatyn qazaqstandyq dızaınerlerdiń týyndylaryn tamashalady.

«Bul toptamanyń ereksheligi - onyń ulttyq boıaýlarǵa qanyqtyǵynda. Qazaqstanda 130-dan astam ult ókili beıbitshilik jáne kelisimde ómir súrip jatyr. Biz barlyǵymyz qazaqstandyqpyz. Jáne árqaısysy ultyna qaramastan, óz dástúri men mádenıetin kórsetip jatyr. Sol sebepti biz búgin dızaınerlerdiń tek ulttyq qana mese, qazirgi zamanǵa saı toptalamalaryn da usynyp otyrmyz. Degenmen, toptamalardyń barlyǵynda qazaqstandyq órnek, mata, tús boıaýlary qoldanylǵan», - dedi óz toptamasy jaıly Kazakhstan Fashion Week quryltaıshysy Alekseı Chjen.

«Rýhanı jańǵyrý» baǵdarlamasy - durys baǵyt. Adamnyń rýhanı jańǵyrýymen jumys isteý kerek. Eger adam mádenıeti men rýhanı qazyǵynan alystap ketse, bul ulttyń joıylýyna alyp keledi. Týǵan elimizdiń tarıhy men dástúrin baǵalap, qurmetteýimiz kerek. Sol sebepti, ónerdi, sonyń ishinde sán úlgilerin damytý qajet dep esepteımin», - dedi ol.

Belgili qazaqstandyq dızaıner Aıda Kaýmenovanyń aıtýynsha, ol óziniń toptamalary arqyly Qazaqstan mádenıetiniń tereń de baı ekenin kórsetýge tyrysqan.

Qazaqstandyq dızaınerlerdiń sheberligine tánti bolǵan kórermender ár kórsetilimdi úlken qoshemetpen jáne gúl shoqtarymen qarsy alyp otyrdy.