Máskeý jastary Telegram messendjeriniń buǵattalýyna qarsylyq bildirdi
«Akademık Saharov dańǵylynda ótken qala bıligimen kelisilgen kópshilik is-sharasy aıaqtaldy. Oǵan7500 adam qatysty», - dedi atalǵan uıymnyń baspasóz qyzmeti.
Sharany Reseı lıbertarıandyq partııa ótkizdi. Partııa aldyn ala málimdegendeı, sharaǵa 5 myńǵa deıin adam qatysýy tıis bolatyn.
Polıtsııa taratqan habarlamaǵa qaraǵanda, eshkim qoǵamdyq tártipti buzbaǵan. Beıbit sherýge qatysqandardyń basym bóligi 30 jasqa deıingi jastar. Qatysýshylar kóshege messendjerdi buǵattaýǵa qarsy jazý bar plakattar alyp shyqty.
Aıta keteıik, Máskeýdiń Tagan soty 13 sáýirde Reseıde Telegram messendjerine qol jetimdilikti buǵattaý týraly Roskomnadzordyń talap-aryzyn qanaǵattandyrǵan bolatyn. 16 sáýirde baılanys operatordary Telegramdy buǵattaý protsedýralaryn bastaǵan edi.