Máskeý jáne Búkil Rýs Patrıarhy Kırılldiń qatysýymen Almatyda Qudaıdy dáripteý - lıtýrgııa rásimi ótip jatyr
ALMATY. Qańtardyń 18-i. QazAqparat /Elena Ilınskaıa/ - Almatydaǵy Voznesenskıı kafedraldy soborynda Máskeý jáne Búkil Rýs Patrıarhy Kırılldiń qatysýymen ótip jatqan Qudaıdy dáripteý rásimine myńdaǵan dindarlar qatysýda.
Patrıarhtyń Almatyǵa jeksenbi, qańtardyń 17-sinde kelgenin QazAqparat budan buryn habarlaǵan bolatyn.
Sobordyń ishi de, syrty da adamǵa lyq toly. Syrtta turǵan adamdar dinı rásimdi kórip, duǵany tyńdaı alýlary úshin Hramnyń aldynda monıtor ornatyldy.
Almatyda pravoslavtar kóp jáne olar Patrıarh Kırılldiń kelýin asyǵa jáne úmitpen kútti. «Patrıarhtyń sapary halyqtyń kóńil-kúıip jańartyp, joǵary hrıstıandyq qundylyqtardy adamdardyń esterine salady degen úmittemiz», - deıdi olar.
Mıtropolıt Mefodııdiń aıtýynsha, bul sapar «barsha halyq úshin úlken mereke bolyp otyr», sebebi pravoslavtar respýblıkada halyq sany jaǵynan ıslam dinindegilerden keıingi ekinshi. Pravoslav dindarlar kópultty Qazaqstanda ózderin jaıly sezinýleri úshin, elde barlyq jaǵdaı jasalyp otyr, deıdi jergilikti eparhııa basshysy.
