Máskeý - Vladıvostok reısiniń jolaýshysy ushaqta úsh mıllıon rýblin qaldyryp ketken
ASTANA. QazAqparat - Máskeý - Vladıvostok avıareısiniń jolaýshysy ushaqta eki mıllıon rýbl jáne baǵaly zattary bar sómkesin umytyp ketken. Bul týraly seısenbi, 25 shildede «Interfaks» habarlady.
Reseı ІІM resmı ókili Irına Volk habarlaǵandaı, Prımore astanasyndaǵy kólik polıtsııasynyń qyzmetkerlerine avıakompanııa ókilderiniń biri habarlasqan.
Ol áýe kemesiniń bortynda jolaýshylardyń biri sómkesin umyt qaldyrǵanyn aıtqan. Tártip saqshylary odan qymbat uıaly telefon, planshet jáne aqsha tapqan. Sómkede eshbir qujat bolmaǵan.
Polıtseı zattyń ıesi 53 jastaǵy Prımore turǵyny ekenin anyqtady. Polıtseıler oǵan habarlasyp, zattaryn qaıtaryp berdi.
Er adam qatty sharshaǵandyqtan qolynda ne bar ekenin este ustamaǵan, zattarynyń joq ekenin ІІM-den habarlasqanda bir-aq bilgen.
Aıta keteıik, sáýir aıynda erli-zaıyptylar Qytaıǵa baǵyt alǵan ushaqta ózderiniń on jasar qyzyn qaldyryp ketken.
Foto: Daniel Kalker / dpa / Globallookpress.com
