Máskeý úkimeti otstavkaǵa ketti - «RIA «Novostı»
ASTANA. Qyrkúıektiń 29-y. QazAqparat - ıÝrıı Lýjkovtyń qala basshysy qyzmetinen ketýine baılanysty Máskeý úkimeti túgeldeı otstavkaǵa jiberildi.
Bul týraly merııadaǵy derekkózge silteme jasap «RIA «Novostı» agenttigi habarlady.
Máskeý meriniń mindetin atqarýshy Vladımır Resın keshe sáıkes nusqaýdy daıyndady. «Tańerteń qujat Máskeý úkimetiniń músheleri bolyp tabylatyn nemese merdiń ókilettigi merzimine taǵaıyndalǵan sheneýnikterge taratyldy», dep habarlady derek kóz. Onyń aıtýynsha, 10 prefekt, 125 basqarma basshysy, merdiń orynbasarlary, departamentter men komıtetterdiń basshylary búginnen bastap mindetterin ýaqytsha atqarady.
«Barlyǵy 200-den astam adam. Keıbireýlerge qujat jetip te úlgerdi. Birqatar prefektýralardyń basshylary tańerteńnen bastap biraz qujatqa mindetti atqarýshy retinde qol qoıa bastady», deıdi Vladımır Resın.
Esterińizge sala keteıik, RF Prezıdenti Dmıtrıı Medvedev Máskeý meri ıÝrıı Lýjkovtyń ókilettigin merziminen buryn toqtatý týraly jarlyqqa qol qoıǵanyn QazAqparat habarlaǵan bolatyn.
«Reseı Federatsııasy Prezıdentiniń seniminen aırylýyna baılanysty ıÝrıı Mıhaılovıch Lýjkov Máskeý meri qyzmetinen bosatylsyn», delingen resmı qujatta.
Máskeý meriniń ókilettigi beriletin tulǵa laýazymyna kiriskenge deıin, Máskeý basshysynyń mindetin Vladımır Resın ýaqytsha atqaratyn boldy.
Shanhaıda saparmen júrgen Medvedev jýrnalısterdiń osy máselege qatysty saýaldaryna bergen jaýabynda: Máskeý meriniń mindetin ýaqytsha atqarýshy V.Resındi «tájirıbeli, qalanyń turaqty basqarylýyn saqtaýǵa qabiletti adam» retinde tanystyrdy. «Kandıdatýralar usynylǵannan keıin, kimniń Máskeý meri bolatynyn sheshetin bolamyn», - dedi Medvedev óz sózinde.
