Máskeý turǵyny XVI ǵasyrdaǵy kóne Qurandy taýyp aldy

Ol atasy qaıtys bolǵannan keıin onyń keıbir zattaryn saqtaǵan eken. Sol zattardyń arasynda kóne kitap ta bolǵan. Áıel kitaptyń muqabasyna qarap onyń ejelgi ekenin ańdaǵan, alaıda ony aýktsıonǵa qoımaqshy bolǵanda, baǵalaýshylar Qurannyń qunyn mıllıonǵa baǵalaǵan.

«Biz eki ret saraptama jasattyq, onyń ekeýi de Qurannyń XVI ǵasyrdyń basyna tıesili ekendigin rastady. Onyń ishinde Qurannyń kimge, qashan berilgendigi jazylǵan paraqsha bar, - deıdi Anashka Hadjımýradova. - Londonda bul Quranǵa 12 mıllıon usyndy, keıin baǵany 45 mıllıonǵa deıin kóterý týraly sóz boldy».

Máskeý turǵyny baǵaly kitapty satyp, paıda tapqysy kelmegen. Qyz Qurandy meshitke syıǵa tartýdy uıǵarady.

«Aqshamen baqyt satyp ala almaısyń, biz satýdan bas tarttyq. Ony syıǵa tartýdy jón sanadyq. Meshitke kez kelgen ýaqytta baryp, Qurandy kórýge bolady. Balalaryma jáne týystaryma kórsetýge múmkindik bar. Sebebi, ol jerde kitap uzaq ýaqyt boıy saqtalady, - deıdi kitaptyń ıesi. - Quran kóne kitap, qolmen jazylǵan. Ony Sırııada jasaǵan. Onyń esh ózgerissiz saqtalǵanyna bári qaıran qalýda».