Máskeý turǵyny úıiniń terezesinen oq jaýdyrdy
MÁSKEÝ. QazAqparat - Máskeýdiń ońtústik-batysynda belgisiz bireý úıiniń terezesinen oq jaýdyrǵan. Oqıǵadan jolaı ótip bara jatqan eki adam jaraqat aldy, dep habarlaıdy QazAqparat TASS agenttigine silteme jasap.
Bul jaǵdaı keshe túngi 22:00 shamasyndaQurylysshylar kóshesinde boldy. Er adam belgisiz qarýdan oq jaýdyra bastady. Oqıǵa ornyna ІІM jáne Rosgvardııa qyzmetkerleri kelip jetti.
Atys kezinde úıdiń janynan ótip bara jatqan eki adam jaraqat alǵan. Tergeý komıtetiniń málimetinshe, arnaıy jasaq qyzmetkeri de jaralandy.
Qaskóı páterdi polıtseıler shtýrmmen alǵannan keıin ustaldy. Іshki ister mınıstrligi kúdiktiniń qarsylyq kórsetkenin málimdedi. Ol jaralanyp, aýrýhanaǵa jetkizilgen.
Kýágerlerdiń sózine sensek, atys kem degende 20 mınýtqa sozylǵan.
Tergeý komıteti Qylmystyq kodekstiń úsh baby boıynsha is qozǵady.
