Máskeý turǵyny Qazaqstanǵa tank satpaq bolǵan
ASTANA. QazAqparat - Reseıdiń Chelıabi oblysynyń soty Máskeý turǵynyn 2015 jyly T-34-85 markili tankisin poıyzben Qazaqstanǵa jetkizbek bolǵany úshin shartty túrde 3 jylǵa sottady. Bul týraly Rıa Novostı agenttigi Reseıdiń Federaldy qaýipsizdik qyzmetiniń Chelıabi oblysy boıynsha basqarmasynyń baspasóz qyzmetine silteme jasap habarlaıdy.
«Kartaly qalalyq soty Máskeý turǵynan Reseı aımaǵynan Kedendik Odaqqa múshe memleketterdiń shekarasyna iri kólemdegi mádenı qundylyqty zańsyz alyp ótýge umtylǵany úshin kináli dep tapty. Sot er azamatty 1 jyl 6 aılyq synaq merzimimen shartty túrde 3 jylǵa sottady»,-delingen habarlamada.
Baspasóz málimetterine qaraǵanda, qujaty boıynsha Reseıdiń mádenı qundylyǵy sanalatyn tankti máskeýlik Latvııadan 20 myń eýroǵa satyp alǵan. Alaıda ol, salyqtyń tym qymbat bolýyna baılanysty Reseıden mádenıet qundylyǵyn alyp shyǵý jóninde ruqsat almaǵan.
1945 jyly shyqqan áskerı mashınany shekarashylar 2015 jyly Reseı men Qazaqstan shekarasy arqyly ketip bara jatqan temir jol quramyn tekserý barysynda anyqtaǵan. Osy kezde tank memlekettiń ıeligine qaıtaryldy.
2016 jyldyń 8 jeltoqsany kúni keden qyzmetkerleri Kalınıngrad-Máskeý baǵytynda ketip bara jatqan poıyzdyń ájethanasynan Ekinshi dúnıejúzilik soǵystan qalǵan qarý-jaraq qoımasyn tapqan.
