Máskeý túbinen Gımmlerdiń soǵys kezinde jazǵan kúndelikteri tabyldy
ASTANA. QazAqparat - Máskeý túbindegi Podolsk áskerı arhıvinen SS reıhsfıýreri Genrıh Gımmlerdiń kúndelikteri tabyldy. Jazbalar 1938, 1942 jáne 1945 jyldar dep belgilengen.
Nemistiń Bild basylymy keltirgen kúndelik úzindilerinde Ekinshi dúnıejúzilik soǵys kezindegi kontslager tutqyndary jaıly qatigezdikke toly málimetter bar.
Gımmler óziniń bir jazbasynda Býhenvaldta ózine massaj jasalǵanyn, sodan keıin 10 polıak tutqyndy óltirýge buıryq bergenin jazǵan.
Jáne ol SS mamandaryna ıtterdi Osventsım tutqyndarynyń julma-julmasyn shyǵarýǵa úıretý týraly tapsyrma bergenin jazǵan.
1943 jyldary jazylǵan jazbalardyń birinde Gımmler tańerteń Sobıbordaǵy lagerdiń gaz kameralaryn teksergenin, keshke ofıtserlermen keshki as ishkenin áńgimeleıdi.
Óz kúndelikterinde Gımmler otbasymen, dostarymen, SS basshylyǵymen qarym-qatynasyn sıpattaǵan.
Kúndelikter kelesi jyly tarıhshylardyń pikirimen qosa jarııalanady. Genrıh Gımmler 1929-1945 jyldary SS reıhsfıýreri qyzmetin atqardy jáne gıtlerlik Germanııadaǵy eń laýazymdy tulǵalardyń biri boldy.
1945 jyldyń 23 mamyrynda kalıı tsıanıdi ampýlasyn tistep, ózine ózi qol salǵan.
