Máskeý túbindegi eń qymbat 100 úıdiń quny 2,5 mıllıard dollardan asty
ASTANA. 3 qańtar. QazAqparat - Máskeý oblysynda aýktsıonǵa shyǵarylǵan qala syrtyndaǵy eń qymbat 100 úıdiń baǵasy 2,5 mıllıard dollardan asty. Bul týraly IntermarkSavills kompanııasynyń sholýynda aıtylǵan.
Sarapshylardyń málimetterine qaraǵanda, ótken jyldyń tórtinshi toqsanynda eń qymbat úılerdiń (alǵashqy jáne qaıtalama naryq) ortasha sharshy metri 18920 dollardy qurap, úshinshi toqsannyń kórsetkishinen 12 paıyzǵa ósken. Mámilelerdiń ortasha bıýdjeti 25,5 mılıon dollarǵa jetti.
31 kottedj kentindegi úıler dástúrli túrde bedeldi Rýblev, Mınsk jáne Novorıjskoe kúrejoldarynyń boıynda satylady. Máskeý túbindegi eń qymbat úılerdiń aýdany 400-2400 sharshy metrdi quraıdy. Úı mańyndaǵy ýchaskelerdiń kólemi 17 sotyqtan 16 gektarǵa deıin jetedi.
Knight Frank kompanııasynyń aqparaty boıynsha, 2011 jyly elıtalyq qaıtalama naryqtaǵy Máskeý túbindegi jyljymaıtyn múlik baǵasy 15 paıyzǵa, alǵashqy naryqtaǵy úıler 5 paıyzǵa artqan.
