Máskeý túbinde Mı-8 tikushaǵy qulap, 3 adam qaza tapty
ASTANA. QazAqparat - Máskeý oblysynda TJM-ǵa tıesili ár túrli maqsatta paıdalanylatyn Mı-8 tikushaǵy apatqa ushyrady. Bortta 3 adam bolǵan. Aldyn ala málimetter boıynsha, ekıpaj músheleriniń barlyǵy qaza tapqan, dep habarlaıdy Bı-bı-sı.
Qaza tapqandardyń biri TJM-ǵa qarasty Jýkov atyndaǵy avıatsııalyq-qutqarý ortalyǵynyń basshysy degen málimet bar. Alaıda, bul aqparat resmı túrde rastalǵan joq.
Apatqa ne sebep bolǵany ázirshe beımálim. Tek tikushaqtyń Lytkarıno aýdanynda qulaǵany ǵana belgili.
