Máskeý soty qazaqstandyq júrgizýshini qamaýǵa aldy
ASTANA. QazAqparat - Máskeýdiń Meşanskıı soty 6 qazanda Vladımır oblysyndaǵy Pokrov stansasy aýmaǵynda temirjol ótkelinde poıyzben soqtyǵysý saldarynan 17 adam qaza tapqan apatqa kináli avtobýs júrgizýshisin qamaýǵa aldy, dep habarlaıdy TASS.
Sot sheshimi boıynsha, Sarmanov 6 jeltoqsanǵa deıin qamaýda bolady. Sotta ol poıyzben soqtyǵysar aldynda júrgizýshi men jolaýshylardyń ótkelde óship qalǵan avtobýsty qoldarymen ıterip qozǵamaqshy bolǵanyn habarlady.
Onyń sózine qaraǵanda, shlagbaým jabylǵannan keıin júrgizýshiler jolaýshylardy avtobýstan shyǵýǵa shaqyrǵan. Biraq olardyń kópshiligi uıyqtap jatqan, aralarynda iship alǵandary da bolǵan. «Biz báriń shyǵyńdar, dep aıqaıladyq, biraq adamdar uıyqtap jatty, birqatary mas boldy»,-dedi Sarmanov.
Júrgizýshiniń atap ótýinshe, avtobýs saparǵa shyǵar aldynda aqaýsyz bolǵan.
