Máskeý Sırııadaǵy jaǵdaı boıynsha BUU Jarǵysynyń ustanymdaryn qorǵaýǵa bar kúshin salady - RF SІM
MÁSKEÝ. 2 qyrkúıek. QazAqparat - Sırııadaǵy shıeleniste Máskeý halyqaralyq quqyq, BUU Jarǵysy men BUU Qaýipsizdik keńesiniń dárgeıin qorǵaý úshin bar kúshin salmaq.
Bul týraly búgin Máskeýde OAR SІM basshysynyń qatysýymen ótken baspasóz májilisinde Reseıdiń Syrtqy ister mınıstri Sergeı Lavrov málimdedi.
S. Lavrovtyń aıtýynsha, Sırııaǵa qatysty ishki áskerı operatsııa júrgizilse, bárinen buryn lańkestik áreketterden sol aımaqtyń elderi japa shegedi.
«Bul elder Irakqa basyp kirgende arty ne bolǵanyn biz kórdik. Lıvııadaǵy jaǵdaı da sonyń dáleli. Resmı málimetter boıynsha, 12 elge qarý tarap ketken, sol elderge sodyrlar ornyǵyp alǵan», - dedi ol. - Demek biz adam ómirin birinshi orynǵa qoıyp, bir jaǵadan bas, bir jeńnen qol shyǵara otyryp, áreket etýimiz kerek».
Ol álemdik qaýymdastyqty terrorıstik ádister arqyly saıası maqsatqa qol jetkizýdi kózdegen jeke múddelerdi emes, ózderiniń saıası maqsattaryn kózdegenderge qarsy ustanymdardy ustanýǵa shaqyrdy.
«Eger bireýler halyqaralyq quqyqty syılap, BUU men Qaýipsizdik keńesin nyǵaıtýdan góri qoldan basqarylatyn haos paıdalyraq dese, onda biz onymen kelispeımiz jáne ózimizdiń tarapymyzdan halyqaralyq quqyq, BUU Jarǵysy men Qaýipsizdik keńesiniń dárgeıin qorǵaýǵa bar kúshimizdi salamyz», - dep sózin qorytyndylady RF SІM mınıstri.
