Máskeý polıtsııasynyń arnaıy toby Quran kitaby órtelgen beınetaspa avtorlaryn izdeýmen aınalyspaq
ASTANA. 9 qańtar. QazAqparat - RF ІІM Máskeý boıynsha bas basqarmasynyń bastyǵy Anatolıı ıAkýnın Quran kitabyn órteý sharasyn uıymdastyrýshylardy ustaý úshin arnaıy jedel top qurýǵa buıryq berdi. Bul týraly Ýtro.rý atalǵan vedomstvonyń baspasóz qyzmetine silteme jasap habarlady.
Aıta keteıik, ǵalamtorda belgisiz jastardyń Quran kitabyn órtep, bylapyt sózder aıtqan vıdeosy jarııa etilgen-di. Olar qasıetti kitapty órtegennen keıin metroǵa kirip, onda slavıandyq emes azamattan Alladan bezinýdi talap etken edi.
«Reseı ІІM Máskeý boıynsha bas basqarmasynyń bastyǵy, polıtsııa general-leıtenanty Anatolıı ıAkýnınniń buıryǵymen arnaıy top qurylyp, onyń quramyna máskeýlik polıtsııanyń birqatar bólimshesiniń jedel qyzmetkerleri kirdi. Olarǵa qysqa merzim ishinde Quran kitabyn órteý sátin túsirip, beınetaspasyn ǵalamtorǵa salý aktsııasyn uıymdastyrýshylardy anyqtap, ustaý tapsyryldy», - dedi vedomstvo ókili.
